話說早兩日，同事 Eric 食飯時提起「喂，Tesla 近期喺國內推出 Model Y 反應勁好，仲爆哂單。其他同事聽完無太大 feedback。點知另一同事 Frankie 就續話：「係呀，Tesla 喺內地 10 個鐘就接咗 10 萬部 Model Y 訂單喇！」在場反應隨即起哄，紛紛對議題討論。原來，大部份人對形容詞都無太大感覺，反而對數字感受實在好多，所以千祈唔好睇少數字嘅威力，識得運用，你嘅說話就更有說服力。
唔知大家有無留意，當用文字同其他人表達時，就算你描述件事幾咁豐富，情感表達得幾咁淋漓盡致，講嘅始終係感覺。每個人對感覺睇法都未必一致，可謂言人人殊，所以用文字描述，難以令人有好 impressive 嘅印象。相反，用數字就唔同，數字客觀得黎又可量化，每個人理解的訊息都會一樣，感覺上唔會有誤差，就如「今年公司比往年削減多 2000 個職位」和「今年公司需要大幅度裁員」，你認為邊個會引起注意多啲？
放返工作層面上，如果有日當你需要同上司匯報工作，不妨多用數字去引證你要道出的重點，除了給上司留下深刻印象外，仲 present 到自己是個嚴謹認真的下屬。又或是，有時上司問你手頭上工作幾時能夠完成個陣，如果你答「就快」，好容易令上司覺得你敷衍緊佢。相反，你在回答中加入具體數字「大約 2 個小時就可以完成」，咁樣上司感覺會更加實在。
要習慣用數字來表達，需要長時間的訓練和運用，並努力學習。下篇就為大家介紹一下，利用數字來提升說服力的小竅門。
#MrBusiness #提升說服力
Search